Tuniniaanermi piumasaqaatit
1.NALINGINNAASUT
Pisiniarnermi tunniussinermilu piumasaqaatit uku atuupput neqeroorutinut, tunisinermut aammalu tunniussinernut tamanut, allatut allakkatigut isumaqatigiissuteqarsimanngikkaanni.
Arctic Print Solutions-ip sullissineq tunniutissappagu, tassanilu isumaqatigiissut pioreersoq pisisup pilersuisuisa ilaat isumaqatigiissutigisimasaat taarserneqassappat, isumaqatigiissutit taamaattut atorunnaarsinnissaat pisisup nammineq akisussaaffigaa, allatut isumaqatigiissuteqartoqarsimanngippat.
Arctic Print Solutions neqerooruteqarpat akuersissuteqarnissamut piffissamik immikkut aalajangersagaqarfiunngitsumik, neqeroorut atorunnaassaaq akuersissut allakkatigut tiguneqarsimanngippat ullut 30-it qaangiunneranni, neqeroorutip tunniunneqarnerata ullua aallaavigalugu.
2.INUTTUT PAASISSUTISSANIK INGERLATITSEQQIISARNEQ
Isumaqatigiissutit naammassiniarlugit, Arctic Print Solutions-ip pilersuisumit allamit tunniussinernik aaqqissuussiffigisaanni, inuit pillugit paasissutissat pisisut/atuisut kinaassusaannik uppernarsaanermut atugassat ingerlateqqinneqassapput. Tamanna paasissutissanik annikinnerpaamik pisariaqartinneqartunik atuilluni pisarpoq, taamaalilluni paasissutissat pisariaqartinneqartut kisimik ingerlateqqinneqartarlutik.
3.AKIT
Akit tamarmik danskit kruuniinik naatsorsugaapput momsilu ilaatinneqarnani. Arctic Print Solutions-p akigititai Arctic Print Solutions-p akinut nalunaarsuutaani allaqqapput imaluunniit neqeroorummi aalajangersimasumi allaqqallutik, tassanilu aamma nassiussinermi akinut paasissutissat aamma atuarneqarsinnaapput Arctic Print Solutions-imit naatsorsorneqarsimasut valutat, akitsuutit, akileraarutit, akitsuusiussat allallu allannguutai nassiussinissamut isumaqatigiissut aallaavigalugu naatsorsorneqarsimallutik.
Tunisassiorfik tuniniakkamut atatillugu akimik immikkut allannguuteqarniaruni pisisup ullut qulit qaangiussimatinnagit Arctic Print Solutions-ip tamatuminnga noqqaassuteqarneratigut pisiap tigusimaneranut uppernarsaat Arctic Print Solutions-mut tunniutissavaa, kiisalu akiligassiissutip kopia Arctic Print Solutions-mut nassiullugu. Suliniutinut pineqartunut tunisassiortut kiisalu Arctic Print Solutions-p malittarisassai nakkutigissallugit pisisoq pisussaatitaavoq. Tamannattaaq piffissami uninngatitsigallarnermi tuniniaanermi aammalu fiskal inatsisaanut maleruagassaanullu naapertuuttumik paasissutissanut pissarsiarineqarsimasunut atuutsinneqarpoq. Arctic Print Solutions-p imaluunniit tunisassiortut malittarisassai pisisumit eqquutsinneqarsimanngippata Arctic Print Solutions pisisumut unioqqutitsinerup akiligassiissutigineqarnissaanik pisinnaatinneqarpoq, taamattaarlu Arctic Print-Solutions-imit imaluunniit tunisassiortumit pisisoq siunissami suliniutinut peqataaqqissinnaajunnaartinneqarsinnaavoq.
4. AKILIINEQ
Akiligassamik akiliineq kingusinnerpaamik pissaaq akiligassiissummi akiliiffissatut ulloq kingulleq allassimasoq malillugu. Pingaarnertut maleruagassaq malillugu akiligassaq pisinermi ingerlaannaq akilerneqassaaq. Akiliinissamut ullorititaasoq kingulleq allassimaneqanngippat pisiap tunniunneqarnerani ingerlaannaq akilerneqassaaq. Akiligassaq akiliinissamut ullorititaasoq kingulleq qaangerneqarpat Arctic Print Solutions qaqugukkulluunniit akilerneqarnissaata tungaanut qaammammut 2%-mik erniaqartitsinissamut nukingisaarinermilu akitsuutitut ilassuteqaateqassalluni pisinnaatitaavoq. Pisisup erniat aammalu aningaasartuutit ilanngullugit aatsaat akilersimalerpagit akiitsorisai peerneqassapput. Taassumalu kingorna akiitsorisai.
Pisisoq Arctic Print Solutions-mut illuatungiliuttumik akiligassamut annikillisaataasumik Arctic Print Solutions-p allakkatigut akuersissutigineqarsimasumik peqanngikkuni piumasaqaateqarnissamut pisinnaatitaanngilaq, kiisalu aamma pisinermi illuatungiliunneq aallaavigalugu tamakkiisumik akileerusunnginnissamut pisinnaatitaanani. Nassiussineq arlaatigut pisisup inissisimanera peqqutaalluni kinguartinneqassagaluarpat, piffissaq isumaqatigiissutaasimasoq eqquutsinneqarsimasutut ilillugu Arctic Print Solutions-mut akiliuteqartoqassaaq. Arctic Print Solutions-imit tamanna allakkatigut nalunaaruteqarnermi avaqqunneqarsinnaavoq.
5. PIGINNITTUUSINNAATITAANEQ
Arctic Print Solutions nioqqutissamut nassiunneqareersimasumut akia tamakkiisumik, nassiunnerani aningaasartuutit, erniat, aammalu aningaasartuutaasinnaasut akilersimatinnagit piginnittussaatitaanermut pisinnaatitaavoq.
6. PISIAP TUNNIUNNERA
Pisiap tunniunnera Danmarkimi adressep ab peqqumaasivianit pisarpoq. Assartuussineq pisisumut akiligassiissutigineqartarpoq akimi ersarissumik nassiussinermi aningaasartuutit ilaareersimanerat allaqqanngikkaangat. Pisiap tigunissaanut piffissaliorneqartoq Arctic Print Solutions-imit neqeroorut imaluunniit isumaqatigiissut naapertorlugu naatsorsorneqarluni missingersorneqartarpoq.
Arctic Print Solutions nassiussinermi kinguartoorutinut akisussaatinneqarsinnaanngilaq, taamaakkaluartoq sapinngisarput tamaat piffissaq eqqorlugu pisiap apuunneqarnissaa isumagisarparput. Assartuussinermi sillimmasiineq akiligassiissutip 0,4 procentiasut akiligassiissutigineqartarpoq + nassiussineq kiisalu 10 % iluanaarutaasinnaasunut.
7. AVAMMUT ASSARTORNEQARTUT EQQUNNEQARTULLU PILLUGIT MALITTARISASSAT
Tunisassiat tamarmik, kingoraartissat, teknikkikkut paasissutissat, software kiisalu uppernarsaatit avammut assartuussinermi eqqutallu pillugit inatsisinut allanullu malittarisassanut pituttorsimasinnaapput, taamaakkaluartoq aningaasat Danmarkimeersimanissaannik, EU-meersimanissaannik, USA-meersimanissaanik imaluunniit avammut nassiussisoqarsimatillugu nuna eqqussiuviusuminngaanneersimanissaannik pituttorsimatinneqaratik. Pisisup avammut assartuinermi eqqussinermiluunniit inatsisit, peqqussutit malittarisassallu eqquutsinnissai pisussaatitaaffigai, taassumalu saniatigut pisinnaatitaaffiiit/ imaluunniit akuersissuteqaatit attuumassutillit pissarsiarinissaannut pisussaaffeqarluni.
8. INNIMINNIINERMI KUKKUSAT / UTERTITSINEQ
Naliginnaasumik nioqqutissat utertinneqarsinnaasanngillat. Ilaatigut pisianik utertitsineq/taamaatitsiinnarneq allakkatigut isumaqatigiissutilioreertoqarsimaneratigut pisinnaavoq, tamannalu nioqqutissanut quersuarmiittunut puui ammarneqarsimanngitsunut kisimi atuutsinneqarluni. Nioqqutissat inniminnerneqarsimasut kiisalu PC aamma Notesbookinut tunngasut taamaatiinnarneqarsinnaanatillu utertinneqarsinnaanngillat. Pisiamik utertitsinermi/taamaatiinnartitsinermi Arctic Print Solutions utertitsinermi akiligassiissutip nalingata 15%-iata kiisalu niuerfimmit assartorneqarnerani akip utimullu assartornerani akip akiligassiissutiginissaanut pisussaatitaavoq, minnerpaamilli kr. 350,-. Nioqqutissat akii atuuttut naapertorlugit utertinneqassapput.
9. TUNISASSIAT PILLUGIT PAASISSUTISSAT
Quppersakkani aamma tuniniaanermi nassuiaatini paasissutissat kukkuneqarsinnaanerinut allannguuteqarsinnaanermut pisussaavugut. Arlaatigulli kukkunerit allannguinerilluunniit Arctic Print Solutions-mut atuutsilersinneqarsinnaanngillat.
10. TUNISASSIAP ALLANNGORTINNEQARNERA
Pisisumut nioqqutissap pissusissamisut atornissaanut ajoqutaanngitsumik kalerrisaareqqaartigani Arctic Print Solutions allannguinissamut imaluunniit immikkoortiterinikkut ammartiterinissaminut pisinnaatitaavoq.
11. PIGISAANNGITSUNUT PISINNAATITAAFFIIT
Tunisassiat nioqqutissat meqqii malillugit tamarmik immikkut pisinnaatitaaffimmik piginnittumit pigineqarput. Nioqqutissat meqqiisa atorneqarnissaat siumoortumik immikkut tamarmik pisinnaatitaaffinnik piginittumut akuersissummik pissarsisimanissamut piumasaqaatitaqarpoq. Software-nik tamanik atuinerit pisinerillu nioqqutissamut malittarisassat akuersissuteqaatillu ilanngullugit maleruaasuupput. Software nioqqutissamut pisiamut ilaasimatillugu tamanna tuniniaanermi pisiniartunut atuisunut tuniniaqqinnissaa siunertaralugu tunniunneqassaaq, tamannalu isumaqarpoq atuisunit kopi-rneqarnissaa allanulluunniit atugassianngorlugu tuniniarnissaa inerteqqutaasoq*. Softwaremik arlaleria atueqqinnissamut akuersissutilimmik tunniussisumit allakkatigut isumaqatigiissuteqarsimanissaq piumasaqaataavoq.
Arctic Print Solutions-imit nioqqutissaq nunami pineqartumit avammut assartorneqarluni pisiarineqarsimatillugu pisisup pigisaanngitsunut piginnaatitaaffinnik unioqqutitsinera Arctic Print Solutions-mit akisussaaffigineqanngilaq, matumani Arctic Print Solutions-imit pisisup nunamut eqqussiffiusumi nioqqutissap atorneqarsinnaanissaanut akuersissutilimmik atuisinnaanissaa qularnaveeqqusersinnaannginnera peqqutaalluni.
*atuisinnaanermut akuersissuteqaatit sorliuneri matumani apeqqutaatinneqarput.
12. AMIGAATAASUT AJOQUTILLILLU
Pisiat tigunerini pisisup tunisimasat niuernermi pisussaaffiit malillugit eqqortuunersut tamarmik misissugassarai. Arlaatigut amigaateqartoqarpat pisisup 48 tiimit qaangiutsinnagit Arctic Print Solutions-imut allakkatigut nalunaarutigissavai, tassanilu aamma suut amigaataaneri nassuiarneqarsimassallutik. Arlaatigut amigaateqartoqarsimatillugu pisisup qulaani taakkartorneqartut naapertorlugit nalunaarutigisimanngikkuniuk kingusinnerusukkut amigaataasut atuutsinneqarsinnaanngillat. Arctic Print Solutions-ip amigaatit pillugit ikiuunnissaminut imaluunniit nioqqutissamik tunniussinissaminut aalajangiisinnaatitaavoq.
Pisiarisimasanik allanngortiterisoqarsimappat puujaalluniluunniit allannguuteqartoqarsimatillugu Arctic Print Solutions pisussaaffinnut tamanut akisussaatinngilaq. Arctic Print Solutions-mit noqqaassutigineqartoq naapertorlugu pisiaq ajoquteqartutut nalunaarutigisaq nassiunneqassappat pisisup tamanna akilissavaa utertinneranilu aarlerinaatit akisussaaffigissallugit, kiisalu nioqqutissap Arctic Print Solutions-imut utertinneqarnermini pisiarinerani puuaniinnissaa qulakkeersimassallugu. Arctic Print Solutions sukkulluunniit atortoq ajoquteqartutut nalunaarutigisimasaq kisiat tigussallugu pisinnaatitaavoq.
Arctic Print Solutions immikkut ittumik kiffartuussinissamut isumaqatigiissusiorsimaguni kiffartuussinermi pisussaaffik nioqqutissanut pisiarineqarsimasunut kisimi atuutsinneqassaaq. Atortut ajoquteqartutut nalunaarutigineqarsimasut Arctic Print Solutions misilittarnissaanut pisinnaatitaavoq. Arctic Print Solutions atortumik misiliinerani atortoq ajunngitsutut nalilerneqarpat akiligassiissut ilanngullugu suliarineqarsimasutut utertillugu nassiunneqassaaq. Arctic Print Solutions aatsaat misilittaareernerup kingorna taarsiisinnaalluni/utertitsisinnaassaaq.
Taarsiineq: Nioqqutissaq tiguneqarnerminiik assinganik amerlassuserisaanillu taarserneqassaaq.
13. AKISUSSAAFFIGISAP KILLILERSORNEQARNERA:
Arctic Print Solutions-ip taarsiisussaatitaaffia toqqaannartumik annaasanut killilersorneqarpoq, aammalu Arctic Print Solutions ingerlatsinermut annaasanut, iluanaarutissanik annaasanut imaluunniit annaasanut allatigut toqqaannanngitsunut akisussaatinneqanngilaq. Arctic Print Solutions kinguaattoornermut imaluunniit amigaataasunut akisussaatinneqanngilaq, taakku aaqqiiniaanermut, taarsiinermut imaluunniit tamakkuninnga misileraanermut patsiseqarpata.
Arctic Print Solutions-ip toqqaannartumik annaasanut taarsiisussaatitaaffia sillimmasiinermi Arctic Print Solutions-ip sulianut akisussaaffimmut sillimmasiissutaani qaqugukkulluunniit atuuttumi matussusiussaq qaangerneqarsinnaanngilaq, maannakkut annertussusilik [kr. 10.000.000,00] ajoqusersimanermut ataatsimut aammalu ataatsimut ukiumut. Taamaattumik Arctic Print Solutions aatsaat piumasaqaatinik naapinneqarsinnaavoq sillimmasiissutip ukiumut annertunerpaaffissaa kr. 10.000.000,00 atorneqarsimanngippat.
Arctic Print Solutions akisussaatinneqanngilaq pissutsit ataani taaneqartut pisinermut naammassinninnissaq akornuserpassuk imaluunniit naammassinninneq naapertuutinngitsumik artornarsisippassuk (force majeure);
Suliffimmi akerleriinneq imaluunniit pissutsit allat illuatungeriit aqussinnaanngisaat, soorlu ikuallattoorneq, sorsunneq, sorsunnissamut piareersarneq assigisaaluunniit, piumasaqarnikkut tigusineq, arsaarinnissuteqarneq, aningaasatigut killilersuinerit, pikitsitsineq, assartuinissamut periarfissat amigaatigineqarnerat, nioqqutissanik nalinginnaasumik amigaateqarneq, nukimmik atuinermut killilersuinerit kiisalu amigaataasinnaasut, pilersuisunit ataaniittunit tunniussinerni kinguarsaanerit, suliffimmi akerleriinnerit, pinngortitami ajunaarnersuit, nappaatit tunillaassortut aammalu nunarsuarmi nappaatit, inatsisikkut aalajangersarneqartunik inuit inini tamanit atorneqartartuni killilersorneqarnissaat, pilersuisunit ataaniittunit killeqarfinnik matoorinerit il.il. pissutigalugit tunniussinerni amigaateqarneq imaluunniit kinguaattoorneq, tamakku pissutsit matuma immikkoortuani taaneqartut imaluunniit pissutsit allat Arctic Print Solutions-ip isumaqatigiissummik naammassinninnissaanut pingaarutilimmik ajornakusoortitsisut tunngavigalugit.
Pissutsit taaneqartut neqeroorutip tunniunneqarnerata imaluunniit isumaqatigiissutip isumaqatigiissutigineqarnerata sioqqullugu pisimasut aatsaat akisussaaffiup atorunnaarneranik kinguneqartitsissapput, isumaqatigiissutip naammassineqarnissaanut sunniutaat piffissami tassani naatsorsuutigineqarsinnaasimanngippata. Nioqqutissat nalinginnaasumik niuernermi atorneqartussatut ilusilersugaapput. Nioqqutissat pinartumik aaqqissuussinermi atorneqarnissaat akuerineqanngilaq, ilanngullugit isumannaallisaanermut, atom nukinganut, sakkutuunut atortulersuutinut, pilersuinermut suliffeqarfinnut, inuunermik ulorianartorsiornemi atortulersuutinut imaluunniit sakkunik sananermut, pineqartup tunisassiortuanit allakkatigut akuersissummik piniartoqarsimanngippat.
14. NIOQQUTISSAT AKISUSSAAFFIGINEQARNERAT:
Danskit inatsisaanni nioqqutissanut akisussaaffik pillugu malittarisassat pinngitsoorani atuuttussat allatut aalajangersaanngippata, killilersuinerit uku atuupput: Arctic Print Solutions aatsaat akisussaatinneqarsinnaavoq ajoqusernermut, Arctic Print Solutions-ip nioqqutissamik tunniussimasaanit pilersinneqarsimasumut, uppernarsarneqarsinnaappat ajoquserneq Arctic Print Solutions-ip kukkussuteqarneranik imaluunniit mianersuaalliorneranik patsiseqartoq.
Arctic Print Solutions-ip nioqqutissanut akisussaaffia sillimmasiinermi Arctic Print Solutions-ip inuussutissarsiornermi aammalu nioqqutissanut akisussaaffimmut sillimmasiissutaani qaqugukkulluunniit atuuttumi matussusiussaq qaangerneqarsinnaanngilaq, maannakkut annertussusilik [kr. 10.000.000,00] ajoqusernermut ataatsimut aammalu ataatsimut ukiumut. Taamaattumik Arctic Print Solutions aatsaat piumasaqaatinik naapinneqarsinnaavoq sillimmasiissutip ukiumut annertunerpaaffissaa kr. 10.000.000,00 atorneqarsimanngippat.
Nioqqutissanut akisussaaffik aammattaaq killilersorneqarpoq sillimmasiissutip iluani immikkoortunut immikkut aalajangersarneqarsimasunut naapertorlugit, tassunga ilaallutik akuutissat aammalu ilaliussat pissutigalugit ajoqusernerit aamma/imaluunniit annaasat (kr. 1.000.000,00 ajoqusernermut ataatsimut aammalu ataatsimut ukiumut), kiisalu aarlerinartunik pinaveersaartitsineq (kr. 1.000.000,00 ajoqusernermut ataatsimut aammalu ataatsimut ukiumut), kiisalu naggataatigut mingutsitsineq tassanngaannaq pisartoq (kr. 2.000.000,00 ajoqusernermut ataatsimut aammalu ataatsimut ukiumut). Taamaattumik Arctic Print Solutions aatsaat piumasaqaatinik naapinneqarsinnaavoq qulaani taaneqartut iluanni, immikkoortup ataatsip annerpaamik killissaa atorneqarsimanngippat.
15. PISINNAATITAAFFINNIK PISUSSAATITAAFFINNILLU TUNNIUSSISINNAATITAANEQ
Arctic Print Solutions piginnaatitaaffiit pisussaaffiillu isumaqatigiissut malillugu pingajorisamut tunniussinissamut piginnaatippoq.
16. ISUMAQATIGIINNGISSUTIT
Pisisup Arctic Print Solutions-illu akornanni isumaqatigiinngissutit suulluunniit Kalaallit Nunaanni eqqartuussivikkut naliliiffigineqassapput.
17.SULLISSINERMUT ATORUNNAARSITSINERMI MALITTARISASSAT
Pisisup sullissineq sioqqullugu ullut suliffiusut marluk sinnerlugit kingusinnerusukkut atorunnaarsitsissuteqarpat, suliassaq akilerneqassaaq 50 %-imik akigititamit aalajangersimasumit. Sullissinerup ullua taanna atorunnaarsitsissuteqarfiuppat, suliassaq akilerneqassaaq 100 %-imik akigititamit aalajangersimasumit.